Huradonan no sa di ningun carta di Minister Chris Romero pa descualifica Zyon Luidens

Huradonan no sa di ningun carta di Minister Chris Romero pa descualifica Zyon Luidens

Huradonan no sa di ningun carta di Minister Chris Romero pa descualifica Zyon Luidens

Posted by 24ora on Friday, February 8, 2019

Pa 4 anochi a tuma luga e competencia prefinal di Caiso y Soca Monarch, unda cu a participa 111 cantante. P’e 4 anochinan aki e huradonan tabatin e tarea pa saca e cantantenan cu a clasifica pa participa den e anochi final. A bin dilanti e riba diferente red social cu Minister Chris Romero lo a manda un carta p’e huradonan bisando pa descualifica e hoben cantante Zyon Luidens, pero huradonan no sa di ningun carta di e minister bisando pa descualifica e cantante.

Den e carta ta menciona John Hassell, kende ta presidente di hurado pa 15 aña di Caiso y Soca Monarch, y a indica cu e no a ricibi ningun carta y yamada. Na momento cu Zyon Luidens a presenta su caminda, algun hurado a bira mira e presidente di hurado. E huradonan tin nan reglanan y a bisa cu e ta “overscheit” e reglanan. E anochi ey no a papia di biaha riba esaki y e dia siguiente e huradonan a papia riba e cantica di Zyon Luidens.

E huradonan a bisa pa descualifica e cantante, mientras cu John Hassell a indica cu den e regla no ta existi descualificacion. Pero loke un hurado por haci ta duna un straf punt, di cual e maximo ta 80 punto pa hurado. A bisa e huradonan cu esey ta un tiki duro pero nan ta esunnan cu ta dicidi y a duna e cantante su straf punt. Aki ta trata di 7 hurado di cual John Hassell no tin e derecho di voto, pasobra e ta esun cu ta encarga pa guia tur cos segun e reglanan cu nan a ricibi pa traha cun’e.

Suerte pa tur cu a clasifica pa mañan! Mi ta wish cu mi por tawata eyriba cu boso pero cos a cana schuin😂. Awe ma ripara…

Posted by Zyon Luidens on Friday, February 8, 2019

No ta solamente e cantante Luidens a ricibi straf punt p’e contenido di su Caiso, pero un otro cantante a tambe a ricibi esaki. Esey a pone cu e cantante a cay afo. Den tur su añanan como presidente di hurado, esaki ta di dos biaha cu el a pasa aden cu a duna straf punt pa via di contenido di e cantico. Hopi hende ta bisa cu Caiso (Calipso) ta redo, letranan, noticia, pero e pregunta ta unda e linea ta. Unda ta trek e linea, ki ora ta insulta un hende. Hassell a expresa cu por ehempel e por bay radio y uza palabra nechi mandando un hende di unda el a sali y e persona por demanda su persona door cu e ta defame. P’esey ta puntra unda e linea ta, pero den Caiso no tin esey y por pasa un straf punt y no descualifa.

E cantantenan ta sinti cu esaki por tin di haber cu presion politico, pero pa su persona esaki no ta e caso pasobra e no a ricibi presion politico. Cu un hurado a ricibi un yamada of un whatsapp di un minister, su persona no sa di nada. Niun di nan a bisa su persona algo, pero nan ta 7 hurado honesto cu ta sinta tur anochi hunto y papia prome y despues di e competencia. Den e ultimo anochi 6 di e 7 huradonan lo ta presente, pero lo extende esaki cu 5 mas pa tin 11 hurado. E decision di huradonan ta esun final, pero Hassell kier scucha e voice note y niun di e huradonan a bisa algo di un voice note.

Desde cu a scucha e cantica e huradonan a bisa cu e tin yen cos, p’esey el a bisa pa nan mira e reglanan. E huradonan a papia di descualifica, pero no tin un regla di descualifica. Pa diasabra awo tur cos ta cla pero e tin cu papia cu e directiva di Stichting Musica si nan ta bay haci algun cambio. E presidente di hurado a entrega nan resultado na e directiva di Stichting Musica. “Nan tin cu bay biba cun’e of nan ta bay bisa cu no ta di acuerdo y mi ta bisa ata mi retiro akinan y busca otro”, el a expresa. Un cantante a pidi pa mira su scoresheet y Hassell lo ta haciendo esaki. E cantantenan tin e derecho di mira con e huradonan a score nan, pero esaki ta si nan mes a pidi nan score sheet.

Comments

comments