Huma saliendo for di Dushi Bagels na Playa Linda Hotel

Security di Playa Linda Hotel tabata bezig ta controlando rond di e hotel y na dado momento e security a nota cu huma blanco ta saliendo for di e negoshi di Dushi Bagels y ta hole plastic kima.

Mesora e security a bati alarma y polis tambe a presenta y un rato despues brandweer tambe a presenta na e sitio pa asina paga e candela y sigura cu tur cos ta ok. Algo pasa di 2or y 50 di madruga e personal di brandweer a drenta den e negoshi pa asina bay chek exactamente ta kiko tabata na candela y a topa cu un waya di coriente cu tabata na candela y a atende cu esey pa evita lo peor.

E donjo di e negoshi tambe a presentay e no por a kere di loke e tabata wak cu huma tabata  saliendo for di e negoshi. Brandweer a hasi un tremendo trabou pa asina evita lo peor.