Mientras cu diferente distrito a haya MFA, toch ta sinti cu na San Nicolas nan kier un MFA. Awor aki tin un servicio di Hulpbestuurskantoor, cu no ta adecuado. Nan ta bogando p’e. Aparentemente e servicio ta hopi malo.
Prome minister Mike Eman, e servicio di tur e hulpbestuurskantoornan tabata un servicio cu a haya e necesidad pa crea e MFAnan y esun di San Nicolas tambe ta bay ta un di e esunnan cu ta bay demostra un biaha mas con bo ta transforma servicio malo pa bon servicio y un locacion tambe cu ta brinda oportunidad pa bon servicio. E ekiponan tambe. Hopi di e ekiponan ta bieu, computernan ta down, computernan ta cay. Tur esey ta locual cu a hereda y paso pa paso a bay na crea e MFAnan den Noord prome, Paradera, Savaneta ta den habri, Santa Cruz, San Nicolas ta e siguiente. Esun di San Nicolas lo ta un remodelacion hopi grandi di e Hulpbestuurskantoor actual, cu lo bira un edificio hopi mas grandi, hopi mas amplio y logicamente tambe e ekipo den dje. Hopi di e servicio tambe ta depende di ekipo. Den e MFA nan na Noord, Paradera, e espacio tabata hopi chikito. Esun di San Nicolas ta un poco mas, pero e ekiponan ta hopi bieu y cu e MFA ta bin ekiponan nobo tambe. Mientras tanto tin cu wanta e ekiponan aki ta draai, cu a bin ta mantene, pero ekiponan nobo ta loke ta bay haci un diferencia grandi den e MFA. Ta bisa cu San Nicolas, ainda falta. Ta yega San Nicolas tambe. E tekening ta cla di con e MFA lo bay bira. Esey ta den e paso ey ta awor aki. E SOGA cu ta partner di Gobierno ta preparando tur documentacion pa financiamento y lo bay compaña e peticion pa e financiamento adicional cu tin mester pa San Nicolas cu un MFA pa Dakota tambe y e luga ya a wordo destina caba. Henter e idea ta pa na unda antes ta huis van bewaring di Dakota, bira un MFA y un Warda di Polis. E MFA ta pinta caba. Minister Dowers ta bezig cu e warda di polis y sigur sigur esaki lo ta un luga hopi central pa hopi di esnan pensiona, cu a pidi tambe den Dakota, pa tin algo riba distancia cu nan por cana bay haci nan diligencianan. Pronto lo bay Parlamento tambe cu e aprobacion pa e placanan adicional pa e MFA San Nicolas por keda completa y pa e MFA Dakota por wordo desaroya.
