Hulanda y un grupo di otro paisnan di Union Europeo, ta reconoce e lider di oposicion Juan Guaido, oficialmente como presidente interino di Venezuela.
Entre otro Alemania, Spaña y Francia a anuncia esaki.
E paso aki a sigui despues cu e presidente Venezolano actual, Maduro a nenga un ultimatum Europeo pa por yama eleccionnan presidencial nobo.
Minister Blok di Asuntonan Exterior a bisa cu Hulanda, cu e reconocimento di Guaido, Hulanda kier pa e Venezolanonan organisa eleccionnan husto y democratico.
Sin embargo Hulanda ta keda mantene contacto diplomatico cu e gobierno di presidente Maduro.
Division dentro di Union Europeo E paisnan di Union Europeo ta dividi den e tema di Venezuela. Awor aki, Union Europeo no ta logrando pa impone sancionnan estricto despues di e ultimatum aki. Hulanda ta lamenta cu Union Europeo ainda no a logra alcansa un posicion conhunto.