Hulanda tin tur pasenshi di mundo pa warda Aruba cumpli cu e condicionnan

3850

Ta depende di e islanan mes si Hulanda por yega na un acuerdo cu Aruba, Corsou y Sint Maarten, segun prome minister di Hulanda, Mark Rutte. Pasenshi tin, pero tur cos ta depende con nan tin nan asuntonan hinca den otro. E ta politicamente complica riba e islanan. Pero toch ta importante pa por yega na otro.

Rutte tin contacto cu e prome minister di e islanan, pero specificamente no riba e tema aki. El a indica cu Hulanda tey pa yuda cu diferente cos. Pero esaki ta trata pa sanea finansa publico. Ta pesey mester tin reforma cu pa hopi tempo a keda manera drumi.

Esaki ta un propuesta y e islanan mester sa kico nan mester haci, Rutte a mustra. Secretario di Estado, Raymond Knops a mustra cu Hulanda kier yuda e islanan por medio di bin cu reforma y tambe haci inversionnan nobo.

Pa loke ta prestamento di placa riba mercado di capital internacional, lo bay tin consecuencia cu e pakete di condicion, mirando cu mester pidi luz berde na Den Haag.

Minister presidente Rutte ta “extremadamente sorprendi” cu Aruba no ta mira e condicionnan pa un di tres prestamo di emergencia. Ademas: “Nos a papia durante dos luna, tambe durante mi vakantie. Si warda hopi tempo, e ora naturalmente, no ta e caso pa e terminonan sigui mesun cos.”

Por lo tanto gobierno Hulandes ta kere cu lo bay pasa “mas siman ainda” prome cu finalmente emiti e prestamonan aki.