E gabinete nobo di Gobierno di Hulanda a huramenta awe dilanti Su Mahestad Rey Willem-Alexander den paleis Noordeinde na Hulanda. E ceremonia oficial a cuminsa cu e Rey firmando e decretonan real den “Puttikamer” di e paleis. Den e decreto aki a regla e retiro y nombramento di e ministernan y secretarionan di estado.
Manera cu ley ta prescribi, tur decreto real ta conta tambe cu e firma di minister-president den banda. E ta para responsabel politicamente pa decisionnan di e Rey. Ministernan cu ta haya un Secretario di Estado asigna, ta firma e decreto real banda di e Rey tambe.
E minister- y secretarionan di estado a huramenta awe den e Grote Balzaal di Paleis Noordeinde na Hulanda. E mandatarionan nobo a sea hura of priminti, un texto cu ta stipula den ley. E ceremonia aki ta marca e transicion di un gabinete pa e otro.
“Ik zweer (verklaar) dat ik, om tot minister (staatssecretaris) te worden benoemd, rechtstreeks noch middellijk, onder welke naam of welk voorwendsel ook, enige gift of gunst heb gegeven of beloofd.
Ik zweer (verklaar en beloof) dat ik, om iets in dit ambt te doen of te laten, rechtstreeks noch middellijk enig geschenk of enige belofte heb aangenomen of zal aannemen.
Ik zweer (beloof) trouw aan de Koning, aan het Statuut voor het Koninkrijk en aan de Grondwet.
Ik zweer (beloof) dat ik de plichten die mijn ambt mij oplegt getrouw zal vervullen.
E minister y staatssecretarissen a contesta bisando: “Zo waarlijk helpe mij God almachtig!” of “Dat verklaar en beloof ik!”. E secuencia di huramentacion ta cuminsa cu e minister-president y despues e vice-minister presidentnan. Ta bon pa menciona cu e ministernan cu a pasa e prome gabinete pa e otro no mester huramenta.
Despues di e acto oficial di huramentacion, a tuma luga e ceremonia di sacamento di potret riba stupi di e paleis. Mas despues den dia e Conseho di Minister nobo lo reuni pa prome bes den forma oficial y lo presenta nan mes na prensa.
Gabinete Rutte IV ta forma door di partidonan VVD, D66, CDA en ChristenUnie. Na tur tin 20 minister y 9 secretario di estado. E huramentacion dilanti SM Rey Willem-Alexander ta marca inicio oficial di Gabinete Rutte IV awe.
Mester menciona cu partido VVD di Mark Rutte ta entrega 8 minister y 3 secretario di estado. Partido D66 ta participa cu 6 minister y 3 secretario di estado. Partido CDA cu 4 minister y 2 secretario di estado. Y partido ChristenUnie ta den gobierno cu 2 minister y 1 secretario di estado.
E puestonan di minister existente di Gabinete Rutte III a keda mesun cos. Si a introduci no menos cu 4 minister nobo. Nan ta:
minister voor Klimaat en Energie;
minister voor Natuur en Stikstof;
minister voor Volkshuisvesting en Ruimtelijke Ordening;
minister voor Armoedebeleid, Participatie en Pensioenen