Hulanda kier pa tur esunnan sin salario haya placa pa economia por draai

5387

Secretario di Estado Hulandes, Raymond Knops, awe mainta a comenta den un entrevista cu e situacion na e islanan den Caribe Hulandes riba su mes ta stabil, sinembargo tin hopi hende sin trabao. Ta pesey ta yudando cu “noodpakket” pa ciudadanonan y tambe yudando cu prestamo na e islanan.

Ayudo mara na condicion 

Segun Knops den e ultimo 10 añanan desde cu Corsou y St. Maarten a bira autonomo y Aruba naturalmente tabata caba, e situacion economico no a bay manera mester ta. Parcialmente e tin di haber cu factornan externo, pero tambe cu no a tuma e medidanan necesario. Hulanda a facilita e placa aki. Como partner den Reino nan ta pone nan mes disponibel pa e steunpakket, pero ta spera cu e paisnan por uza e placa aki na un manera responsabel. Kier mira e prestamo aki paga bek.

Critica

Tin critica di parti di e islanan cu Hulanda mester tin un curason mas di compasion. Segun Knops, e prome condicion cu mester baha salario di politiconan mirando cu nan ta bon paga riba e islanan. No solamente politiconan pasobra directornan di companianan estatal ta abusa di salarionan astronomico y for di proporcion. Por ehempel e director di Banco Central di Corsou y St. Maarten ta cobra un salario di por lo menos 1 miyon di florin pa aña!

Loke mester haci ta parti e ingreso entre e ciudadanonan, pa asina nan tambe por cobra un salario digno. Loke Hulanda kier ta pa e economia riba e islanan draai bek, pa tur esunnan cu no tin un salario, haya placa bek y percura pa e diversificacion bay no solamente riba turismo, pero den e otro sectornan di e isla.

Pa despues di cinco aña bisa cu a tuma e medidanan corecto pa sanea e pais.