Na Den Haag a manda cas 500 alumno di scol basico, pasobra 2 docente di e scol a test positivo pa Coronavirus.
Tambe hopi studiante tabata keha di sintomanan di Coronavirus, p’esey a bay haci test cu nan. Te ora cu haya e resultado, e scol ta keda cera.
Ta trata di 2 locacion di e scol basico di Springbok na Den Haag cu a manda nan alumnonan cas. Asina Eke Wolters, vocero di De Haagse Scholen, a bisa.
KEHO DI DARM Y MAAG
A test 7 alumno, pasobra nan tin molester di stoma y tripa. “Te ora cu nos sa si nan tambe tin e virus of no, nos ta cera. Nos ta haci esaki p’e siguridad di nos alumnonan, pero tambe pa tur trahado di e scol.”
WARDANDO PA RESULTADO
E scol a bay bek na duna les na cas. E resultado di e test Coronavirus por dura 24 pa 48 ora. “Si nan no ta contagia, mi ta kere cu e scol lo habri bek. Si tin contagio, nos ta keda cera.”
Un vocero di Municipio di Den Haag a laga sa di ta sumamente sorprendi cu e noticia aki. E scol a informa tur mayor. Na e kehonan, manera tur ora di Corona, a conseha pa keda cas y test pa e virus.
CERA SCOL MAS TREMPAN
Mas trempan un scol basico di Roermond tabata den noticia, pasobra ta mustra cu un docente ta contagia. Tambe eynan e scol a cera. Aparentemente na Limburgse Eygelshoven tin 4 docente contagia, pero e scol a keda habri.
E Geneeskundige Gezondheidsdienst (GGD) na Limburg a laga sa cu “no ta un sorpresa” cu esey lo pasa na scolnan basico. “Den e proximo lunanan lo bo por mira aki y aya tipo di contagionan aki. Awo ta un scol, pero despues un compania,” Christian Hoebe, Profesor y hefe di departamento malesanan contagioso di GGD Zuid Limburg, a bisa.
