Hulanda a pasa ley pa brinda periodistanan mas proteccion

Eerste Kamer na Hulanda awe a aproba e proposicion di ley cu Minister Gerapperhaus (Husticia y Siguridad) a presenta relaciona cu proteccion di fuente pa periodistanan. E ley, cu lo drenta na vigor dia 1 di October 2018, ta den reconocimento di e posicion particular cu periodistanan tin den nos comunidad y recompilacion di noticia gratis.

Den practica ta nifica cu periodistanan como testigo den un caso criminal no mester responde preguntanan riba identidad di su fuente. Normalmente, un testigo ta obliga pa responde. Pero, interes publico cu e personanan por recuri na periodistanan sin temor na persecucion cu informacion ta pisa mas pisa en general.

Hues por dicidi finalmente si e apelacion na proteccion di fuente tabata hustifica. E por tin di haber cu circunstancianan special unda cu publicacion di e fuente aki ta mas importante ainda y ta necesario pa trata delitonan hopi grave. Por hempel, cu consecuencia pa siguridad nacional of siguridad di e personanan.

Ademas, e proposicion di ley aki ta garantisa cu e uzo di medidanan di presion contra periodista y publicistanan den un caso penal, ta mara na reglanan mas estricto. Esaki ta nifica cu e buskeda y confisca obheto y documentonan den oficina di por ehempel un corant of agencia di noticia, ta posibel solamente despues di un permiso y den presencia di un Hues di supervision y no mas bao autoridad di un Fiscal.

Tampoco ta permiti pa pidi grabacion di combersacion telefonico cu un periodista a realisa cu su fuente, sin autorisacion di un Hues Comisario.

Pa medionan di comunicacion, e cambio den ley aki ta bini como un “bon noticia” pa e industria. Asina nos sistema hudicial ta garantisa cu e periodista por maniobra den comunidad sin mucho temor pa persecucion di husticia. Na Aruba no a yega di sosode mucho cu periodistanan ta haya nan mes memey di investigacionnan penal. Sinembargo persecucion politico si nos conoce e ultimo lunanan, te cu mester a keha Gobierno y Parlamento na Sociedad Interamericana de Prensa. E tempo ey Parlamento kier a stroba funcionamento di un periodista den sala di Parlamento, pero danki Dios cu Corte den Prome Instancia a destrui e desicion di Presidente di Parlamento Ady Thijsen.