Diahuebs ultimo a sali un carta di Gobierno di Aruba, firma pa Minister Xiomara Maduro, den direccion di e Colegio di Supervision Financiero Aruba (CAft), na nomber di su Presidente, esta prof. dr. R. Gradus. Basicamente e mandatario ta confirma na Hulanda cu Aruba ta cumpliendo cu e normanan acorda bou di e supervision financiero pero a corda Hulanda cu e ley nobo cu Parlamento a pasa ta kita tur autoridad di CAft y cu nan no ningun poder mas pa manda niun sorto di conseho pa Conseho di Minister di Reino y pio ainda pa pidi nan pa duna Aruba un “aanwijzing”.
Cu e tono pisa aki e mandatario di Aruba ta atendiendo cu Hulanda relaciona cu nan peticion pa baha gasto di personal, baha gastonan di operacion di Gobierno y pa nan stop di sigui tuma hende den e aparato gubernamental, hasta bou di capa di “crisisplan social”.
Loading...
Reload document 
Open in new tab Conocedonan di ley ta sigura cu politiconan na Hulanda ta masha disgusta cu e forma di atende cu placa na Aruba y cu ta un milager lo mester sosode pa no bin un “aanwijzing” otro siman den Conseho di Minister di Reino. Pero di otro banda, tin indicacion clave vi Gobierno di Hulanda a manda yama Prome Minister Wever-Croes pa ta na Hulanda otro siman pa atende e asunto aki prome cu tuma un decision den Conseho di Minister di Reino of pa e ta presente durante dicho reunion. E prome mandatario di Aruba a bisa e gruponan di maestronan preocupa durante e reunion unda el a kita “Traimerdia” for di mannan di Minister Lampe y pas’e pa Minister Croes. No ta conoci ainda ki posicion Wever lo tuma na Hulanda y si e lo cambia e maneho di su colega di Finansa.
De facto, den e carta di Minister Maduro na CAft e ta chuerchando di CAFT y Hulanda. Gobierno ta referi nan e ley di LAft manera cu Gobierno a entreg’e na Parlamento y asina descartando e amienda di nan mesun fraccion. Gobierno ta bisa cu loke nan a palabra den e protocol (e.o. e normanan pa 2019-2021) no tin base legal pasobra NO a ratifica LAft ainda. E norma pa aña 2019 no a wordo ancra den ley ainda, dus CAft no tin pia pa para ariba.
Gobierno ta bisa cu CAft no tin base legal pa escala, ni tampoco pa Conseho di Minister di Reino Hulandes actua: Gobierno di e manera aki ta pone su obligacionnan den e protocol un banda y no ta responsabilisa pa a amienda – cu porcierto ta forma parti integral di e ley – pero ta bisa si cu CAft no a cambia pero nan mester raporta awor na Parlamento di Aruba, contrario na palabracion cu Gobierno a haci. Prome Minister Wever-Croes mes a duna Parlamento un “positief stemadvies” pa e amienda, pero awor ta bisa cu CAft ta actuando di forma ilegitimo. Gobierno no ta realisa cu nan ta confirma di no ta cumpliendo cu palabracionnan cu nan mes a haci y ta opta awo pa keda sin cumpli cu e recomendacionnan duna for di december. Gastonan di personal ta inclui gastonan di personal di Sociaal Crisisplan, pero Gobierno ta nenga esaki. Y por ultimo, Gobierno no por substancia e reforma fiscal.
