Hulanda a confirma su prome caso di Coronavirus den un Hospital na Tilburg

1772

E prome caso di coronavirus a yega Hulanda awe! Esey Gobierno a anuncia un rato pasa na Madre Patria. E pashent, cu algun tempo pasa tabata na Lombardia, na Italia, a yega Hulanda y tabata den camber di isolacion na e hospital di Tilburg. E departamento di salud publico di Hulanda a tuma contacto cu tur amistad di e pashent, pa por conduci un “contactenonderzoek”.

Despues di un investigacion riguroso den laboratorio, a confirma cu e caso sospechoso ta Coronavirus (COVID-19). Ta trata aki di un hende homber, interna na TweeSteden Zieknhuis na Tilburg. Minister Bruno Bruins a confirma e noticia aki un rato pasa.

E coronavirus ta sigui cana den henter Europa. Na inicio di e siman aki a raporta casonan na Noruega y na Grecia, mientras cu awe Dinamarca a confirma nan prome caso. Tambe e cantidad di casonan confirma di Coronavirus ta sigui crece.

Gobierno di Hulanda a bisa di ta keda riba alerta pa posibel otro casonan di Coronavirus y como tal ta aplica e mesun protocol asina cu tin casonan nobo raporta. E protocol ta encera isolacion, investigacion di tur persona cu a yega cerca di e pashent, banda di monitor masha estricto mes di e pashent en cuestion.