For di International Weightlifting Federation, Aruba Amateur Weightlifting Association a ricibi un invitacion pa Sr. Hugo Themen participa como referee internacional na e XI International Solidarity Weightlifting Championships cu ta un evento clasificatorio pa e Weganan Olimpico di Tokio 2020 cu a tuma lugar den e ciudad di Tashkent na Uzbekistan fecha for di 8 pa 12 februari 2020 bow di umbrella di Islamic Solidarity Sports Federation (ISSF)
Total di 36 referee a wordo invita pa dirigi e International Solidarity Weightlifting Championships. Den e evento aki tabata tin participacion grandi di atletanan for di 48 pais cu ta forma parti di continente Asian Weightlifting Federation. Presente na e magno evento aki tabata Sr. Shahrillo Makhmudov First President di Uzbekistan Weightlifting Federation y Exective Board Member of International Weightlifting Federation.
IWF General Secretary Sr. Mohammed Jalood for di Irak cu a duna un palabra di bon bini y a desea tur atletanan y referee hopi exito den e campeonato aki. Aruba Amateur Weightlifting Association ta manda palabra di gradicimento na International Weightlifting Federation pa e invitacion y cu a cubri e gasto di biahe, estadia di hotel y un pabien na Sr. Hugo Themen cu a juda dirigi e magno evento cu ta e XI International Solidarity Weightlifting Championships cu tabata clasificatorio pa e Weganan Olimpico di Tokio 2020 na Tashkent, Uzbekistan.
