Huespednan a disfruta di Carnaval 66 na Riu Palace Antillas

E temporada di Carnaval 66 a termina pero no ta tur turista a presencia esaki. P’esey Riu Palace Antillas a sorprende su huespednan cu no a bay mira e paradanan cu e bishita di Quality Brassband, kendenan hunto cu 3 bailado a entretene e huespednan banda di pool. 

Huespednan tabata contento di por a disfruta di e ritmo di carnaval unda nan a baila y goza di e atardi. E empleadonan di tanto e hotel como watersport tambe a disfruta di e canticanan di Quality Brassband.

E ambiente carnavalesco a sigui pa Riu Palace Aruba, unda a sorpresa tanto e huespednan band’i lama como band’i pool. Muchanan y otro huespednan di Riu Palace Aruba a participa na e celebracion bailando cu e carnavalistanan. E huespednan di ambos hotel a gradici tanto gerencia como e musiconan y bailadonan pa trece e alegria di carnaval 66 cerca nan.