Hues ta ordena pa Jerry Staring bay traha como director na DVG

Gobierno di Aruba a prohibi Jerry Staring di asumi su funcion como director y tabata un bataya largo. Abogado David Kock a splica cu nan ta contento cu veredicto di hues. Tur cos tabata normal. Departamento di Salubridad, te cu un aña pasa a sali un relato den un media na Aruba riba Staring di un manera negativo. E tempo ey a haci un kortgeding y e persona a wordo condena pa rectifica e articulo cu a sali.

Sinembargo aki a trigger subsecuentemente. Minister Dangui Oduber a pone Staring p’afo di departamento di salubridad. Den Staring su nomber a cuminsa cu un kortgeding y el a gana. Veredicto tabata dia 6 di juli 2018, caminda cu hues a bisa cu Staring mester ta bek na su funcion.

 

Abogado David Kock riba sentencia: Mi cliente mester bay traha bek mesora como director di DVG

Posted by 24ora on Monday, May 20, 2019

 

Na e momento ey Minister a haci uzo di un articulo den LMA cu ta bisa cu ora ta necesario, un minister por duna un ambtenaar otro tareanan cu no ta su tarea normal. Haciendo uzo di esaki, mirando cu hues a bisa cu no tin motibo pa suspende como director, minister a dun’e otro tareanan pa haci.

Staring e ora ey a bay corte contra esey, cu tabata un decision pa 12 siman bay haci algo otro y hues e prome dos biahanan a dicidi cu ta un posibilidad cu ley ta duna minister. E minister a hacie durante e tempo cu mester laga haci investigacion. A duna minister e beneficio di duda.

Dado momento e articulo aki no ta skirbi pa bo indefinidamente keda extende un periodo asina y tene un hende en realidad toch pafo di su funcion. P’esey, ora cu ultimo na Maart a dicidi atrobe pa bolbe extende e opdracht aki di Staring pa e ta un otro caminda, sinta den un otro edificio, tras di un lessenaar, a bay bek hues y veredicto di hues tabata esey cu dado momento no por keda extende mas.

E articulo aki no ta peda haci mal uzo di dje y cu Staring mester ta bek di forma inmediato.

 

Kico por pasa

Kock a splica cu dos biaha hues a duna gobierno espacio pa bin cu prueba riba e alegacionnan difundi. E veredicto aki no por apela contra dje. Ta un veredicto cu ta traha di inmediato. Tin un procedura di obhecion cu ta coriendo, pero esey ta tuma su tempo.

Kico gobierno por bay haci, naturalmente no sa esey. Si ta asina cu un ambtenaar semper ta den e posicion cu e tin cu reacciona. Ta gobierno ta tuma decisionnan y si e ambtenaar no ta di acuerdo cun’e, e tin cu bringa e decision eynan.

No ta na Staring awor aki pa haci algo of pa tuma un decision. Staring simplemente lo kier pa cumpli cu e veredicto di hues cu ta hopi duidelijk.

Hues a bisa tambe cu si bolbe bay dun’e un otro sorto di funcion, ya caba e hues a bisa cu e lo ta inhusto. Cu esey hues tambe a duna un bon señal con e ta mira e caso.

 

Acusacion

A nombra un management team pa haci un investigacion. Kock a splica cu tur loke tabata tin te awor aki ta un asina yama quickscan cu a yega di wordo haci. Ya di aña pasa caba, e prome accion cu a tuma contra Staring e tempo ey eigenlijk ta e mesun cos tin. No tin nada nobo.

 

Publicacion

Kock a splica cu ta wak cu e accionnan cu a tuma luga, no tabata hustifica. Staring tampoco no por a kere cu un publicacion asina di un fuente di media a pone cu e cos aki a bira asina un pesadiya.

Comments

comments