Ayera mr. Maite Brown-de Haseth a huramenta como Hues den Corte Comun di Caribe Hulandes, dilanti Gobernador interino di Aruba, Yvonne Lacle-Dirksz. E ceremonia oficial a tuma luga den Cas Ceremonial di Gobernador, den presencia di Minister di Husticia, mr. Andin Bikker, e Vice Presidente di Corte Comun di Caribe Hulandes y algun famia di e Hues.
Mester menciona cu algun dia pasa un Arubiano, esta mr. Angele Martijn a huramenta como Hues na Corsou. Ta nota cu den e caso aki un Hues di Corsou a huramenta na Aruba. Probablemente un ke otro tin di haber cu rotacion y diferencia den cultura. Por spera Hues Martijn na Aruba aki dos aña mas o menos.
