Hues: Miho bringa pago di retiro den Bodemprocedure

Corte no ta mira e caracter di urgencia den e caso sumario (Kortgeding) cu drs. Franklin Hoevertsz a entama contra Hunta di Supervision di Utilities Aruba NV pa e cobra e pago mara na su pakete di retiro. E compania a paga un parti mientras cu Hues a ordena cu e tin derecho segun locual a acorda den e contract di trabou. Pero como cu Hues no ta mira e chens cu Utilities lo keda sin paga, e no a mira necesario pa atende e asunto aki den un Corte Sumario, sino mas bien ta conseha partidonan pa bringa e bataya aki cerca un “bodemrechter”.

Dia 8 di januari 2019 Drs. Frank Hoevertsz a haya su di tres retiro for di un Gobierno di asignatura di partido MEP. E prome tabata na aña 1993 bou liderazgo di Nel Oduber y cu Charo Kelly como Minister. A kit’e for di e puesto di Director di FCCA pero Gobierno a cay y asina e coalicion nobo a tum’e bek na trabou. Pero 9 aña despues, asina cu MEP a bolbe na poder pero cu Marisol Lopez como Minister a kite atrobe desde 1 di januari 2002. A hiba Gobierno dilanti Corte pero a scoge pa yega na un acuerdo cu ambos por a biba cune. Awor na 2019, atrobe bou un Gobierno di MEP pero e biaha aki cu Evelyn Wever-Croes na cabes, a bolbe kit’e.

Loader Loading...
EAD Logo Taking too long?

Reload Reload document
| Open Open in new tab

Download [294.29 KB]

Cu e decision di Hues Sap awe, awor partidonan mester evalua cua ruta ta encamina. Hopi biaha, ora caba cu tur e batayanan legal aki, na final e suma pa e director bay lo sali hopi mas compara cu si a yega na un acuerdo desde un principio. Hues den su sentencia a subraya cu Frank Hoevertsz tin derecho riba compensacion y aunke cu e directiva nobo ta cuestionando e pakete, hecho ta cu esey e tin firma y e tin derecho riba dje. Locual por discuti ta e forma con ta interpreta e acuerdo y e sumanan cu lo ta mara na e “golden handshake” aki.

Su abogado tabata mr. Hans Sjiem Fat mientras cu abogado mr. Anthony Ruiz ta representa Gobierno como doño di Utilities Aruba NV. Hoevertsz lo mester a traha casi 2 aña mas pa baha cu pensioen, pero Gobierno a dicidi otro.