Hues Comisario a prolonga detencion Robby dos Santos

1161
Potret cortecia di Curacao.nu

Diamars mainta Ministerio Publico di Corsou a demanda encarcelacion di Robby dos Santos den caso Maximus.

E sospecho ta encera envolvimento den e asesinato di Helmin Wiels. Ministerio Publico ta husga cu ainda por papia di un sospecho fuerte contra di e sospechoso y cu tin suficiente base pa mantene e sospechoso deteni. E hues comisario a bay di acuerdo cu e demanda aki. Alabes a rechasa e peticion di dos Santos pa schors su detencion. Mientrastanto lo continua cu e investigacion.

Recompensa

Famia dos Santos, despues di detencion di Robby, a tene un conferencia di prensa unda cu a pone un 1 miyon florin disponibel pa esun cu por duna e tip di oro, di e persona responsabel tras di asesinato di e popular politico Helmin Wiels.