Hues: Carchi di trein no ta garantia pa un stoel

469

Un carchi di trein no ta duna Bo derecho riba un stoel. Esaki ta e veredicto di Hues den un caso cu ConsumentenClaim a impone contra di Nederlandse Spoorwegen (NS). Segun Corte na Utrecht, un carchi di trein ta dunabo solamente derecho pa transporte. “E resultado ey tambe a logra”, asina Hues a bisa. “E manera con e transporte ta tuma luga, esey ta loke ley no por determina”.

Consumentenclaim ta afirma cu e decision ta descepcionante, pero si ta bisa cu NS, debi na e reclamo y e atencion di e medionan cu ta compañ’e, mientrastanto a haci hopi mehoracion pa clientenan. “Cu esey pasaheronan toch a gana di un parti”, asina Director Stef Smit a bisa.

NS a bisa den un reaccion cu ta birando mas druk na Hulanda y e paramento den trein durante oranan piek, tambe ta forma parti di dje. “Pa con fastioso cu e por ta.”

Consumentenclaim a exigi compensacion den nomber di un grupo di pasaheronan di trein. Segun e compania, e hendenan mester para pa motibo di un falta di treinnan diario, den treinnan extremadamente yen. Pa motibo cu Consumentenclaim ta traha a base di “no cure, no pay”, e pasaheronan cu a haci un reclamo no mester paga nada na e compania.