Corte na Den Haag a pone fin na e prueba di corona obligatorio diahuebs pa Hulandesnan cu mester a haci esaki, ora cu nan ta biaha di regreso pa Hulanda
Desde siman pasa, tur esnan cu ta bin bek Hulanda mester mustra un resultado negativo cu no ta pasa 72 ora. Pero segun Hues, no ta existi un base legal pa obliga un hende pa haci un prueba.
E abogado Jeroen Pols, di e grupo di accion Virus Truth a presenta e caso aki contra estado. Su famia ta biba na Tanzania y a pidi’e pa e presenta un prueba di corona negativo prome cu el a subi avion. Segun Pols, e obligacion di somete na un prueba ta un violacion di e integridad fisico.
Corte na Den Haag tabata di acuerdo cu ne diahuebs ultimo. Segun hues, ta existi un “necesidad urgente” di preveni un mayor propagacion di e virus mas tanto posibel. Pero segun hues, famia Pols por “keda cu e rason cu ta obliga nan di haci un prueba di PCR contra nan boluntad.” Segun hues, no ta existi un base legal solido pa un obligacion di prueba pa un “Hulandes” cu kier bay bek cas.
Corte na Den Haag solamente a dicta riba e obligacion di famia Pols. Pero segun e profesor di Ciencia Huridico Jan Brouwer di e Universidad di Groningen, e decision di corte di Den Haag ta nifica cu e medida ta “fuera di curso.” Desde un punto di bista normal, esaki ta solamente un decision entre e dos partinan aki, pero den e caso aki ta evidente cu un hues tambe lo dicta den un caso anterior. Otro biaheronan awo tambe tin derecho legal ora di rechasa un prueba.
Declaracion basico
Profesor Brouwer ta yam’e un “declaracion hopi fundamental.” “Nos a converti den esey den e ultimo ocho lunanan, den terminonan di limita e derechonan fundamental. Tabata tin hopi duscusion riba loke ta posibel. No por bisa cu un medida: ta solamente un infraccion menor di e derechonan fundamental y despues ta permiti’e sin un base legal. Si e derecho fundamental ta limita, e ta rekeri un base legal. Hues a bolbe confirma esaki awo.
E medida di gobierno a drenta na vigor dia 29 di december. E prueba di PCR mester ta realisa no mas di 72 ora prome cu e yegada na Hulanda y ta aplica na tur hende cu ta bin di un “zona di alto riesgo.”
Gobierno ya a anuncia cu lo apela e decision. Pero segun Brouwer poco mas cu ahusta e politica por haci’e. Otro opcion, segun e profesor, ta cu e aerolineanan ta inlcui un obligacion di prueba den su termino y condicionnan general. “Ya tin empresanan cu a haci esaki.” Segun e profesor, tambe ta posibel un cuarentena obligatorio pa esnan cu e gobierno ta sospecha cu ta infecta. Esey tambe ta regula pa ley. Violacion aki ta realmente un multa hopi halto. Esey por tin un efecto confuso.” E control di cuarentena obligatorio ta un problema, segun Brouwer. A skirbi e ley ey pa algun. Dificilmente por sigui miles di persona.
