Corte di Empleadonan Publico a dicta un sentencia contra Ministernan Bikker y Ruiz-Maduro, den e caso cu ex Parlamentario Melvin Tromp a entama. E caso tin di haber cu, loke e politico ta considera, como “persecucion politico”. Hues a suspende e decision di ambos Minister y awor ta habri espacio pa e ex politico por sigui traha como consehero di Fraccion di AVP den Parlamento.
Melvin Tromp ta un empleado publico pa hopi aña caba, como e “tweede man” na Cuerpo Especial Arubano (CEA). Entre aña 2009 pa 2017 el a sinta como Parlamentario di AVP den Parlamento. Ora cu e no a drenta Parlamento despues di eleccion na September 2017, a opta pa e sigui den e funcion di “Fractie Medewerker”.
Aunke na un principio Departamento di Recurso Humano a bay di acuerdo, toch despues e Ministernan a cambia di opinion y kier a draai bek e decision. Awe Hues a dicta na fabor di e Ambtenaar y a ordena Gobierno pa destrui ambos decision di tanto Minister Andin Bikker como di Minister Xiomara Ruiz-Maduro.
[pdf-embedder url=”https://24ora.com/wp-content/uploads/2018/09/Sentencia-Melvin-Tromp-vs-Gobierno-di-Aruba.pdf” title=”Sentencia Melvin Tromp vs Gobierno di Aruba”]
