Hues a condena Roy Croes na 7 aña di prizon

E homber Roy Croes, acusa di a asesina Anushka Tromp na augustus 2018 a scucha awe mainta cu Hues ta bay di acuerdo cu e demanda di Fiscal pa castig’e cu 7 aña incondicional di prizon. Dia 24 di februari ultimo a trata e caso aki den Corte, pero e dia ey caba famia di e victima no a keda satisfecho cu e demanda di Ministerio Publico. A haya cu mester a pidi e pena maximo pa e acusado.

Abogado mr. Albert Kock a defende e acusado durante tratamento di e caso penal den Corte. Awe mainta Hues a bisa e acusado cu e mes a declara cu el a dal e señora cu forsa den su cara. Y e persona aki tabata su compañera, pues no un desconoci. E golpi cu e señora a ricibi a causa daño cerebral serio cu a pone cu el a bay den un coma cu e no a logra sali di dje. E hecho aki a sosode na cas unda un persona mester sinti su mes sigur y trankil.

E victima a muri na edad di 48 aña, lagando dos yiu atras.

Ta trata di un delito hopi serio, maltrato pisa cu morto como consecuencia, no por otro cu un castigo di prizon, asina Hues a bisa awe mainta ora cu el a condena e abusado di hende muhe aki!

Comments

comments