Hubilario di dos empleado ehemplar di Artistic Boutique y Gemani Jewelers

925

Diabierna ultimo, dia 24 di januari, a tuma luga den Taste of Belgium, un homenahe special na dos empleado ehemplear cu a dedica hopi aña di nan bida na e compania, tanto Artistic Boutique como Gemani Jewelers.

Ta trata aki di Petra Croes, kende tin 46 aña di servicio. El a cuminsa na Calypso NV y despues a bay cu Gemani Jewelers. Petra ta un persona hopi cordial, amabel, semper sonriente y hopi balente, y a gradici’e di parti di staff y personal di Gemani hunto cu gerencia ta gradici’e pa su añanan di servicio.

Helena de Cuba a cuminsa na 1982 cu e compania. Den otro palabra 38 aña di servicio. El a cuminsa cu Artistic Boutique. El a traha den ocho Artistic Boutique den varios hotel. Despues tambe el a bay pa Gemani Jewelers.

Sra. Helena ta un persona hopi balente, hopi amabel y semper tey pa cualkier persona.
Gerencia ta reconoce e dos personanan aki dunando nan un reconocimento pa tur nan añanan di servicio.

Awo despues di tanto aña di servicio, tanto Helena como Petra lo baha cu pensioen y tuma e descanso cu nan merece, naturalmente cu gradicimento inmenso di famia Mahtani, staff y personal di Gemani Jewelers.