Partidonan HTC, CURPA y PUEBLO PROME a denuncia cu ta intimida nan sostenedonan pa no firma pa e partidonan di nan preferencia.
HTC
Gilbert Webb como lider di partido HTC a denuncia cu tin intmidacion di tumando luga pa no firma pa cierto partidonan, entre nan HTC. Nan ta sinti cu personal di Censo ta intimida e personanan pa no firma pa nan haya chens di participa den e eleccion binidero. Gilbert Webb a pidi pa e pueblo firma consciente, pero e ta sinti cu ta faborece e otro partidonan. Segun Webb, nan democracia mester resalta.
CURPA
Eric Ras, lider partido CURPA, ta comparti opinon di HTC, unda cu paden di Censo ta cuestiona pa ken ta forma. Tur hende tin derecho di firma pa ken cu nan kier. Ras ta condena e hecho aki di intimidacion. Ta spera cu e denuncia aki yega na e oidonan corespondiente. Cada partido kier yega na e 587 firma pa nan keda cla. Miho abstene di duna comentario cu ta cay den mal tera, djsi laga e persona firma, tabata su palabranan. Esey no ta e tarea di e funcionario publico. Ta pueblo ta esun cu ta paga e funcionario publico.
PUEBLO PROME
Michael Williams di partido PUEBLO PROME, ta di acuerdo cu e dos partidonan. El a califica di berguensa loke ta pasando na Censo. Williams ta bisa cu difente hende cu a firma pa nan, a confirma cu lider di HTC y CURPA tabata tin rason. Ta lamenta cu esun cu ta yama nan mes lider cu ta permiti e bagamunderainan pasa y ta keda, ta paso cu nan no ta para den nan sapato. Mas ladronicia, nan ta protesta cu HTC y CURPA como tambe esun cu ta para pa husticia.
Nan ta prefera di bisa cu nan no ta participa cu sigui cu e bagamunderia cu ta tuma luga pa 35 aña caba. Nan ta pueblo y ta p’esey nan a sali pa defende pueblo. Nan ta prefera di bisa cu nan no ta doe mee cu sigui cu corupcion. Esun cu ta bisti na lamchi, ta prefera di keda keto.
Sharin Luidens, directora di Censo, a keda sorprendi p’e acusacionnan aki. El a splica con e proceso ta. Tambe el a indica cu ta puntra tur persona si nan ta sigur si ta pa tal partido ta firma y asina confirma nan ta haak af esey. Pa mas informacion lesa www.Trempan.com
