Update: Hotel tabata kier ayudo pa señora sinta riba beach

10199

Diaranson mainta tabatin un caso cu a hala atencion, banda di e strip di hotelnan chikito. E promer informe tabata cu Hotel lo kier a core cu e persona for di beachpero despues a resulta cu ta ayudo pa e persona e hotel tabata kier.

E prome informe tabata cu un persona cu ta cana diariamente banda di hotel a mira  e señora aki mas cu un dia riba e beach cu varios di su pertenencianan. E persona a meld esaki na e hotel cu na su turno a avisa su team di security. Ora cu nan a topa cu e situacion nan a yama Polis pa asina por saca afo si e dama tabata tin mester di ayudo. E tabata mustra cu e localidad lo por a bira su luga di drumi mirando cu tabata tin varios di su pertenencianan cu ne y no ta prome dia cu ta wak e eynan. E hecho aki a sosode rond di 10’or di mainta.

Polis a yega, a combersa cu e  señora, cu tabata riba e beach entre Tamarijn y Divi Resort. Nan a puntra e señora si e ta sinti malo of algo a pase. Pero el a informa e agentenan policial cu simplemente tur mainta e ta bin sinta na beach y atardi e ta bay su cas. E Polisnan despues di a papia cu e señora a mustra e guardia cu e señora no ta haciendo nada malo y segun su mes palabra e no mester di ayudo.