Diahuebs mainta, Crisis Management Office (CMO), anteriormente conoci como Bureau Rampenbestrijding a tene un simulacro di tsunami. Pa prome biaha a activa e Early Warning System.
E simulacro a conta cu participacion di varios stakeholder, entre cual Horacio Oduber Hospital. Greg Croeze, Director Financiero di Hospital a cuminsa na bisa cu e training a bay hopi bon. El a indica cu den careda di 11:20am, nan a haya e prome ola lo impacta Aruba. Mirando cu hospital ta cerca di e costa, a cuminsa evacua tur hende y manda nan pa cinco piso di Toren A y B. total a evauca poco mas di 800 persona, entre pashent y bishitantenan. Casi henter hospital a participa, cu excepcion di e Departamento di Dialisis, Eerste Hulp, ICU, OK. Nan no a participa, pero si a simula cu a haya yamada pa evacua, etc.
Pa nan e training a bay bon, sinembargo, nan lo mester bay haci un evaluacion di esaki, p’asina sa kico a bay bon y kico a bay menos bon, pa traha riba esaki pa futuro. Durante e training, a pidi pa helicopter pa bin busca e pashentnan cu ta na machine di hala rosea, ya cu informacion cu nan tabata dispone di dje, cu durante e tsunami, lo perde conexion di coriente. Y door di evacua e pashentnan, a salba bida di e pashentnan. Despues a manda un di dos helicopter despues dje di dos ola.
CRISIS TEAM
Mas aleu, Croeze a indica cu hospital tin un Crisis Team cu ta consisti di mas o menos 10 persona. Dimes durante un training bo sa kico ta bay pasa, pero a haci un mini evaluacion despues di e training. Berdad cu tin un crisis team estableci na hospital, pero hopi biaha e situacion aki ta sosode inespera, den ora di marduga cu no tur hende ta na hospital. P’esey a reuni riba e plan di emergencia, si algo asina pasa. E crisis team ta consisti di diferente persona, entre otro dokter, enfermero, security.
Pa mas lesa TREMPAN.
