Hospital a stop cu investigacion di plasma contra Covid-19

Dr. Horacio e Oduber na luna di April a anuncia cu lo start cu un investigacion di transfusion di plasma di pashentnan cu a recupera di Covid-19 pa mira si e lo ta uno efectivo pa recuperacion di pashentnan admiti cu Covid-19. E team medico di Hospital hunto cu Drs. Choudhry a tuma e desishon pa stop e investigacion di transfusion di plasma pa pashentnan interna cu Covid-19. 

Na prome instante e investigacion di plasma como medicina pa yuda un pashent mehora tabata mustra uno prometedor mundialmente y awo, algun luna despues, resultadonan ta demostra cu e no ta yuda cu mehoracion di pashentnan cu Covid-19.

Den e cuadro aki y alabes mirando cu tin poco pashent di Aruba admiti cu Covid-19 por a bin na remarca pa un tratamento cu plasma y sin lubida un parti importante cu ta e limitacion den finansas na hospital, a tuma e desicion pa para e investigacion aki.

Sigur ta gradici tur donante di plasma cu a contribui na e investigacion aki y tambe e team di profesional tras di e investigacion.