Tin un servicio nobo cu lo bay wordo introduci na Aruba, cual ta e fundacion Hospice Atardi, cu ta duna un tipo di cuido nobo na Aruba, cu den otro parti di mundo ta existi pa basta aña caba. Di parti di AZV, Anko Ringeling a menciona di ta contento cu e iniciativa aki y cu lo bay yuda financia esaki.
AZV no lo ta e unico partner den esaki. Ta trahando via di hospital, lo bay financia e iniciativa aki. Pesey tin algo di haber cu leynan actual, cu un Hospice, manera esaki. No ta tipo di cuido cu por wordo financia directamente via di AZV. E no ta regla den ley como tal. Pero si e persona, e pashent ta den cierto fase cu sea e ta keda den hospital of e por keda den e Hospice, e ora ey ta preferibel pa e keda den e Hospice.
Hospital lo bay indica esey tambe. E ora ey, enbes di keda den hospital, e persona ta keda den e hospice. Si e persona no por keda den hospice, e lo a keda den hospital cu tur e gastonan envolvi, pero tambe henter e ambiente den hospital cu no ta esun mas adecuado pa e estado den cual e pashent ta na e momento ey. AZV ta contento di por a yega na un acuerdo cu e fundacion, cu hospital, cu Cruz Cora tambe, cu ta un di e instancia di sosten den esaki.
