Hos a causa daño na cas den Essoheights

6354

Un persona bibando na Essoheights 22-A a haya un susto na momento cu un fenomeno natural, un Hos, a causa daño na nan cas. Esaki a sosode despues di 12’or di merdia.

Ta trata di e cas di señora Juliana Molina. El a conta cu poco despues di 12’or di merdia e tabata den cushina ora cu diripiente el a scucha un zonido masha duro. Prome el a kere ta e frigidaire tabatin problema of temblor. “Mi a spanta masha hopi. Mi a core sali pafo puntra e bisiña kico a pasa. Nunca mi a pasa den algo asina.”

Hos a benta cura di cas abou y causa daño n’e dak

Posted by 24ora on Wednesday, September 16, 2020

E hos a ranca algun asbest di e cas y a causa un buraco den e cas. A yama Brandweer, kendenan a recoge esaki y pone nan un banda. El a yama FCCA tambe pero no a haya reaccion. “Si awa yobe, e ta basha paden. P’esey a yama FCCA, pero nan no ta contesta telefon. Mi kier nan  bin tira un bista y drecha e buraco,” sra. Molina a conta.

Tin un otro cas mas den bisindario, tambe a scucha e hos y e cura di nan cas a keda afecta.