Parke Nacional Arikok tin su retonan. Segun Lufrido Croes, tin fondonan cu na e momentonan aki ta disponibel. E resto ta keda en berdad pa maneho.

El a wordo encarga pa atende cu proyectonan nobo y proyectonan di mantencionnan grandi cu tin pa haci na parke pa un cierto periodo.

Den esaki tin un inventarisacion caba cu ta haci y ta indica en berdad cu tin hopi trabao di chikito te grandi pa wordo haci. Entre otro e edificionan. Tin dos edificio principal. Pero tambe tin boothnan den mal estado, tin borchinan cu falta, tin departamento di mantenimento cu tin mester di nan edificio. Tin problema cu edificio y espacio. Tin hopi actividad. Banda di esey e camindanan. E ruta principal a bay hopi atras y Conchi awor e pregunta, kico ta bay haci cun’e, ta full un discusion cu ta andando pa varios aña caba. Tin opinionnan cu ta varia di lag’e completamente off-road hopi mahos, lag’e asina y tin opinionnan cu ta bay te bay traha un caminda special, verhard te eynan. Mientras tanto tin diferente otro opinionnan pa haci’e solamente na unda cu tin crusada di awa, eynan ta pone beton, etc.

E discusionnan ey ta wordo inventarisa awo. Tin otro rutanan, manera esun di Jamanota, cu ta un ruta importante den parke cu ta cera. E ta cera pa motibo cu e ta den mal estado. Tambe tin opinionnan cu ta un atraccion turistico. Awo tin cu wak bek kico mester haci pa por habri’e bek y haci’e accesibel. Na e momento aki, tin trabaonan ta andando  pa un cantidaad di dia cu ta bin ainda pa haci e ruta cu ta core via Arikok bay pa Conchi. Tin partinan di dje ta hopi malo. Hasta peligroso.

Door di ceramento di e ruta di Shete, ta haci e ora cu tur e trafico lo pasa e banda eynan y pa e motibo eynan, na e momento aki tin trabaonan cu ta andando y lo sigui bay te cu un siman of siman y mey mas pa haci e ruta aki, en todo caso, no drecha henter e ruta, pero haci’e na un manera cu e ta sigur y accesibel pa core y yega te na e haltura di Conchi.

Conchi mes en berdad a bay hopi atras. Tin hopi cos cu por wordo haci. Entre otro muraya. Eynan tin hopi idea pa haci’e tambe un atraccion.

Tambe, tin ranger en principio henter dia eynan, durante 8’or di mainta te cu 4’or di atardi. Eynan e direccion cu lo mester pensa ta en berdad, cu ta un luga hopi turistico, e ta hopi popula, cruiseship tin’e riba nan agenda como un di e sitionan mas atractivo cu tin. Pero pa futuro lo mester haci e luga accesibel, por ta na un miho manera y eynan mester dicidi si e keda eynan santo, piedra of bay te na verhard’e, cu un proyecto grandi of no. E decision ey mester wordo tuma.

Pero tambe bay den direccion di control. Un sistema cu por haci mescos aki, no ta tur hende ta bin y ta pidi e ranger pa bay cu nan. Tin acuerdonan cu ta wordo haci y tin agendanan cu ta yen te na lunanan cu ta bin caba.

Den e direccion asina aki mester pensa con ta bay e ora haci un control. Kier e turistanan aki. E ta un entrada pa parke financieramente, pero lo mester tin un sistema controla. Eseynan ta partinan di proyectonan cu tin ta andando, cu tin di haber cu e infrastructura, unda cu Croes tambe ta envolvi den dje.

Cierto reglanan

Tin cierto reglanan cu sigur ta bay wordo aplica. Por ehempel Parke Nacional Washington. Tin opcion di ruta largo, ruta cortico, ruta banda di lama, ruta mas den e area. Aki na Aruba tambe tin e posibilidadnan ey. Nan tey caba. Loke kier evita ta, pa tin un Wild West, loke ta wordo bisa. Awor aki e ta un spinneweb, cu tur caminda hende ta drenta y traha nan mesun caminda, no den un biaha, pero gradualmente lo ta bay ta trahando riba esey, pasobra cada biaha cu traha eseynan, ta wordo distriu atrobe, pa habri otro entrada. E ta algo cu tin cu keda continuamente riba dje pa a lo largo yega e meta of yega mas cerca cu ta posibel riba un meta.

Tin hopi opinion. Por coy opinion riba e parti di infrastructura cu por ta ta ok, pero tin e otro partinan door cu ta den naturalesa, mester evalua si ta bay pone e parti pisa di cement, beton, of na unda si of na unda no.

Comments

comments