Awe riba rednan social por a mira bastante reaccion negativo pa algun potret publica riba Instagram. Ta trata aki di dos influencer internacional cu a bishita e isla priva. Manera ta custumber, hopi persona ta saca potret cu e flamingonan.
Den e caso aki, e dos influencernan aki a dicidi di bay un paso un tiki mas leu, door di carga y tene e flamingonan.
E forma con nan a dicidi di tene e flamingonan pa saca potret, a wordo rechasa masalmente door di e publico online.
Por a compronde tambe cu despues di e reaccionnan negativo, e influencernan lo a baha e potretnan for di internet.
Pero naturalmente hopi persona ya a screenshot esaki. Hopi ta e comentarionan cu a bisa cu e isla lo mester pone mas vigilancia pa por salvaguardia e bestianan aki na siguridad.
Fuentenan na Renaissance Resort a sigura cu ambos turista ta hospedando na un otro hotel pero a busca un “daypass” pa bay disfruta riba e isla. Nunca lo por a pensa cu siendo figuranan asina popular riba internet, cu nan lo saca un potret di asina mal gusto.
