Hopi liher por registra na Douane bo aparato electronico prome cu bo bay biaha

Esaki ta un temporada cu hopi hende ta biahando. Nan ta bay gosa di un dushi vakantie. E ta bay conta pa esnan cu ta bay, pa esnan cu ta bin.

Hopi Arubiano gusta bay vakantie den exterior. Tin cu bay tene cuenta cu diferente cos. Un di nan ta e aparatonan electronico cu ta bay cun’e.

Marilyn Wout, kende ta relacionista publico, a splica cu pa tene cuenta cun’e, cu si bo ta biahando cu bo tablet, bo celular, of bo laptop cu ta practicamente nobo, cual ta conta pa articulonan cu ta practicamente nobo, cu bo no tin un prueba cu bo a cumpra nan na Aruba, Douane ta conseha, no ta obligatorio, pa bo registra nan na aerocargo of na aeropuerto prome cu bo biaha. E formulario ta haya e ora un valides, e douanero ta controle y cu esaki ta safe y na momento cu bo yega bek, no ta bay tin ningun discusion cu bo a sali cu e articulo aki. No ta algo obligatorio, pero ta pa bo mes pa bo ta sigur y trankil cu bo tin un prueba cu bo a sali cun’e for di Aruba. Ora cu bo articulo ta nobo.

Pago riba bo aparato

Wout a sigui splica cu hopi di nos ta cumpra un telefon, tablet, of laptop, no ta warda recibo, ora cu e garantia pasa. Si bo bay biaha cu e articulonan aki, pa bo registr’e, ya e ora e formulario aki ta bo prueba cu bo a sali cun’e for di Aruba.

Aduana informando tocante Aparatonan Electronico cu ta sali temporalmente for di Aruba

Posted by 24ora on Thursday, July 19, 2018

Ki ta pasa si mi sali cu bo telefon of laptop

E Douaneronan tin nan tecnicanan con pa comproba si un aparato ta di e biahero. Si nan wak cu e articulo ta nobo, bo tin hopi chens cu bo ta bay wordo cobra. Pa bo mes un siguridad, pa bo no tin ningun discusion na momento cu bo yega bek, ta bon pa bo yena e formulario.

Facilidad

Wout a splica cu e procedura aki ta hopi facil. Ta bay riba e website di douane, cual ta www.douane.aw. E website aki ta na tres idioma. Bo ta bay den e menu di documenten, den formulieren, ta download e formulario y ta bay cun’e na e oficina di aerocargo of na e arrivals di Aeropuerto. Eynan bo tin di hiba tambe e aparato, pa asina e douanero por control’e y dun’e su valides.

Tur aña ta mesun cos

Tur aña e procedura aki ta mesun cos. E no ta algo cu tabata hopi conoci of hendenan no tabata conciente di dje. For di aña pasa ta purbando pueblo mas riba e temanan di Douane.

E formulario ta hopi simpel. Ta download’e, print’e y ta yena e datonan, riba ki dia ta biaha, cu cua vuelo, bo ta yena e cantidad di articulonan cu ta bay cun’e, ta yena e marca, e serial number y e balor. Bo ta bay cun’e na e oficina di Douane na aeropuerto. Nan ta controla e articulo despues cu trec’e, riba e number serial y ta stempel e documento y firm’e. Ora cu bay biaha ta bay cu e copia y e ora por demostra nan esaki cu a sali cun’e.

Control

Na momento cu para e biahero y cu nan tin duda cu e articulo a sali for di Aruba, e ora ta demostra nan via di e formulario. Hopi hende ta haciendo uzo di e sistema aki. Douane ta hayando hopi yamada y emailsnan tambe. Hopi di e hendenan ta bayendo na e oficina di aeropuerto, pero mas tanto na aerocargo, debi cu no mester paga pa parkeo.

Segun Wout, cu e sistema aki ta keda cla hopi lihe.