A base di un tip personal di prevencion di Cuerpo di Bombero y polis, nan a presenta na un adres na Tarabana, den Cantaloupestraat pa ta exacto. Ora cu nan a yega na e adres, a bin topa cu e doño di cas. A ricibi permiso pa drenta y den e cas nan a bin topa cu un cargacion di klapchi cu no a wordo bendi. Tabata trata aki tin klapchi bieu, y klapchi mas nobo, esta di aña pasa, cu no mag wordo bendi. A mustra e doño di cas riba e incumplimento aki y despues a bay over na confisca tur clapchi. Un truck di bombero a transporta esaki pa Wela, caminda cu e clapchinan aki lo wordo distrui. E comerciante di fam K., kende ta un Hindu, tin su luga di bende klapchi den e area di Rooi Manonchi. Awor aki e chens ta grandi cu probablemente pa e aña aki, mirando e incumplimento aki di ley, lo no haya permiso pa bende klapchi. Pa prohibi pa despues temporada di benta, warda klapchi na cas, container, etc. Ta un obligacion pa manda tur klapchi cu resta pa Wela. Den e caso aki e persona aki no a haci’e y awo tin cu carga e consecuencianan.
