Hopi hende riba caminda durante La Ora Loca na Santa Cruz

Diaranson anochi, pa 8’or en punto, e diferente gruponan di e districto di Santa Cruz a sa di subi caya pa asina participa den La Ora Loca, cu e tema La Ora Loca Goes to Space”, demostrando asina nan fantasia di solo, luna y e planetanan.

Por a tuma nota di un publico basta grandi pa asina tira un bista di e trahenan colorido y creativo di e gruponan.

Den e parada tabata tin entre otro e Grupo Cultural, sigui pa Balashi, cu Fantasia di Luna y Strea. Tambe por a mira Jan Flemming cu Fantasia di Solo, sigui pa Siribana y becindario cu Fantasia di Aliens.

Hopi hende riba caminda durante La Ora Loca na Santa Cruz

Hopi hende riba caminda durante La Ora Loca na Santa Cruz. Click link pa mas https://24ora.news/385X7W7

Posted by 24ora on Thursday, February 6, 2020

Sabana Grandi a bin cu Space Buddies y por ultimo tabata tin Kas Ariba cu Gimme Some Space, Fantasia di Strea clausurando cu YX3M.

E parada a sali for di veld di Winston direccion Weng Kee na Piedra Plat y tabata programa pa e cabes yega pa 12’or en punto.

Sigur un anochi sumamente colorido y cu hopi ambiente, caminda un y tur a sa di anima e participantenan den e parada. Akinan Santa Cruz a luci un biaha mas cu su parada.