Esaki a keda comproba na momento cu e companianan di utilidad manera WEB y ELMAR a habri nan porta dialuna mainta pa pago di recibonan cu ta bay vence.
E ta un fecha riba cual normalmente ELMAR y WEB tin hendenan na cantidad grandi ta acudi na e oficinanan concerni. Normalmente ta haci uzo di MFA, pero e facilidadnan aki tambe a cera nan porta den e temporada aki di coronavirus.
Awe hopi hende grandi, door cu no por a drenta paden, mester a para den solo, cu dos meter di separacion como proteccion, sperando nan turno yega pa drenta ELMAR. E hendenan entrevista a simplemente bista cu nan no tin firma pa paga online y semper a haci pago cash of cu bancomatico. Of no ta gusta e sistema di online banking.
E ta algo cu mester busca un solucion pa motibo cu hopi di e hendenan cu ta bay personalmente haci nan pago, ta personanan grandi caba.