Hooiberg Store ta nenga acusacionnan di Tatiana Ramirez

Diamars Tatiana Ramirez a denuncia publicamente gerencia di Hooiberg Store, pa un persona cu ta abusa di trahadonan cu ta traha p’e den bar. Segun el a bisa cu ta trata di hendenan ilegal cu ora nan traha no ta wordo paga y ta yama Guarda nos Costa pa nan pa bay cu e damanan aki.

Hooiberg Store ta nenga acusacionnan di Tatiana Ramirez

Posted by 24ora on Wednesday, April 17, 2019

Joanne Jaccopucci, manehado di e negoshi no a keda keto y a dicidi pa reacciona treciendo su banda di medaya dilanti.

El a splica cu e dama ta full fout bezig. Na prome luga e ta papia cu e debe 2500. Despues el a papia cu Jaccopucci debe 1250. E kier sa si e ta fout bezig of no. Cu e sa, Ramirez a cuminsa traha dia 13 di Maart te fin di luna. Na ningun bar rond di Aruba, bo no ta gana un salario halto, pasobra no ta traha den gobierno.

Ora cu el a cuminsa comporta malo den bar, den e sentido cu ora e ta bay cu e clientenan banco, mirando cu e luga no tin swipe, Jaccopucci a cuminsa haya feedback straño. Dado momento Ramirez a bisa cu e no ta bin traha mas y pa e tin su placa. Jaccopucci kiermen cu tur cinco di luna e ta paga y tur hende sa esey y nunca tabata tin ningun keho di ningun sorto di e problema na bar.

Ramirez a bisa cu e ta bin pa dune su placa. Despues a bisa cu e gerente a manda polis pe. Cual no ta berdad. Jaccopucci a mande recherche pasobra e ta haci fastioso na bar y no ta bon bista pa e clientenan. Ningun hende mester sa kico ta pasa den bar.

Su rabia mas grandi di Ramirez ta, cu Jaccopucci a kita e cuentanan cu e tin habri for di riba su nomber. E no ta bay sinta core tras di ningun homber cu a bin bebe den e bar, pidi nan pa bin paga e cuenta cu el a laga habri.

Aparentemente na tur bar cu tin rond di Aruba, e mucha muhenan cu ta traha tras di bar cu ta habri cuenta pa cliente, tin cu para responsabel pa e cliente paga e cuenta.

No ta asina cu ta bay cu e cliente lanta placa y ora cu e cliente bin disgusta bisa cu a duna e placa na e mucha muhe, e persona ta bisa cu no. Ta haci’e dilanti doño di Hooiberg Store, ta duna e cliente resto di cen, ta keda cun’e, caminda cu e doño tambe ta reacciona bisando cu esaki no ta bon. Si ta purbando di daña nomber di Jaccopucci, e mes no ta worry, pero no daña nomber di e bar, pasobra e bar no tin di haber cu e persona. Jaccopucci ta sinti cu el a haci cosnan den su derecho. Ningun rato so cu a yega di bin gara hende ilegal. Pafo di bar si, pero tras di bar no. Dicon te awo e ta bin sali na cla. Guarda nos Costa ta bin haci control, pasobra ta nan obligacion. Semper portanan tabata haci pa nan drenta ki ora cu nan kier. Di unda ta sali cu tin hende ilegal. Awo Jaccopucci ta trahando. E otro mucha muhenan ta traha di diahuebs pa diadomingo, mirando cu ultimamente tabata keto debi na actividadnan cu tin rond.

Si kier difama Jaccopucci, haci’e bon. Por a bin bis’e cu algo no ta bon of no ta klop. Pero gaña riba dje no. E ora e ta busca su camindanan legal pa traha. Jaccopucci a bay labor y nan a dune su puntonan di bista pasobra e persona no a traha ningun luna cun’e. El a bay sin bisa nada. Esey tampoco no por cana ta haci. E ora ey e persona ta fout bezig un caminda.

Su style

Ramirez a splica cu e estilo di Jaccopucci ta cu e ta busca damanan ilegal pa abusa di nan, pa na momento di paga nan, no ta paga nan. Jaccopucci a desmenti e ponencia aki. Ta haya mucha muhenan cu no tin papel y Hooiberg Store no ta e unico bar na Aruba. Tin diferente bar. Pero Hooiberg Store no tabata tin mucha muhenan ilegal ta traha. Tabata tin uno si cu Guard nos Costa a acerca Jaccopucci, door cu e mucha muhe tin un permiso pa keda Aruba, e mester ta pafo di bar y no tabata tin ningun inconveniencia.

Pago

Ramirez aparentemente a haya su pago. Jaccopucci: “Esey el a hay’e. Y e sa bon bon. El a haya su pago dia 8 di Maart.”

Problema cu tabata tin ta cu Jaccopucci a kita e placanan cu e tabata tin cuentanan habri. Ta personanan cu tabata bin den bar, ta tuma pedido y no ta wordo paga y Jaccopucci no ta bay sinta core tras di ningun hende den bar.

Tabata tin sospecho di algun bar cu supuestamente lo el a coy placa. El a tende di amigonan cu ta doño di bar cu esey a sosode. Pero a pidi Jaccopucci pa no divulg e nombernan.

Jaccopucci no ta di acuerdo cu e ponencia di Ramirez. Jaccopucci ta spera cu Ramirez compronde cu cos no ta bay manera hende ta papia. Na Aruba nan tin cu stop di huzga hende sin sa e banda di medaya.

Comments

comments