Brake a faya: Auto a drenta den salon di beyesa

Tabata alrededor di 4:10 pm ora cu polis a presenta cu urgencia na Paris Style Salon riba L. G. Smith Boulevard p’un caso peculiar.

Aki ta caminda cu un auto marca Honda modelo Fit color blauw a basha vitrina di e negoshi abou y drenta te paden. Tur cos ta mustra cu e brake lo a faya. Paden, e auto a alcansa dos persona cu tabata sinta.

Tabatin basta daño parti paden di e negoshi, for di blower, material di beyesa y mucho mas.

E auto a keda staciona paden te ora cu un takelwagen a presenta pa sac’e. Danki Dios e personanan no tabata seriamente herida. Polis a presenta p’asina por documenta e caso aki. 

Auto a drenta negoshi di beyesa y herida dos persona. https://24ora.news/3XMxGm5

Posted by 24ora on Saturday, January 21, 2023