Tin algo cu a sosode cu ta importante pa e comunidad di Aruba sa. Y naturalmente 24ora.com tabata tey y tin imagennan di e persona cu awe por ta un peliger pa e comunidad.
Probablemente e no ta un desconoci pa husticia, pero loke el a haci diaranson anochi ta motibo tambe pa un biaha mas husticia tira wowo riba dje.
Ta trata aki di un hoben di 12 aña, un hoben autista, cu den e caso aki a yega cas cu su famia, a bah’e, a crusa caminda pa bay cas y a hay’e cu un situacion caminda cu un persona a yega baha, drenta cura y a busca manera pa rank’e y bay cun’e.
Esaki a causa henter un situacion unda hasta e tata ta preocupa y a cuminsa move shelo y tera pa wak si por topa cu e persona aki y pa casualidad a topa cun’e tambe. A start un persecucion cu a termina na warda di Shaba.
E tata a bay JZP pa asina haci un denuncia.
Chino Eckmeyer ta tata di e hoben kende a conta cu na momento cu e yiu a bati na bentana pa nan habri p’e, e homber a bin rank’e den cura di cas y hasta na porta di e cas, pa bay cun’e.
Ora cu e ruman grandi a lanta grit’e, e persona a subi e auto y a bay. E tata a ranca sali bay su tras cu e siguransa cu e lo topa cun’e. Banda di Yen Yen, el a topa cu e persona cu tabata na biniendo di banda contrario. A bis’e pa para, pero e no a haci caso.
Di biaha Chino a yama warda di polis y a conta nan kico a pasa cu su yiu. Polis a tene Chino na liña mientras cu e tabata sigui e antisocial te na warda di polis.
E homber a baha for di auto na warda di polis y a bay p’aden. A manda Chino tur caminda, aunke awe mainta nan a dune bo trato. Te ainda Chino ta wardando pa nan yam’e pa duna un declaracion. Mester tene cuenta cu e persona aki. Chino mes no conoce e persona aki y e ta sigur cu e lo topa cun’e.
Su yiunan si a reconoce e homber. A bisa e tata con e homber ta. Un persona diki, cara yen. Apesar di tur e esfuerso aki, Chino ta sinti cu nan no a worry cun’e. Ora cu hende haci algo robes, mesora nan ta ataca hende, pero cu tipo di cosnan asina no mester sigui pasa na Aruba.
Polis mester duna mas atencion riba e hendenan aki. Si laga e persona aki afo, e lo haci ago asina atrobe. Tene cuenta cu e persona aki.
