Homenahe y reconocimento cu orguyo na artistanan local

Diahuebs, 17 di october, for di 7’or pa 10’or di anochi lo tin otro actividad na Biblioteca Nacional Aruba, na Playa, dedica na Rescate di Memoria “Pasobra bo tambe ta conta”.

BNA, Departamento di Cultura Aruba hunto cu gestor cultural Mirto Lacle ta presenta un programa multidisciplinario cu enfoke riba e diferente disciplinanan di literatura, arte, cultura, linguistica y educacion en general.

Homenahe y reconocimento cu orguyo na artistanan local

Homenahe y reconocimento cu orguyo na artistanan local. Click link pa mas

Posted by 24ora on Thursday, October 10, 2019

Lo tin invitadonan special y lo duna reconocemento na algun musico y artista local, entre otro Taly Wever, Ronny Kock, Johnny Scharbaay y Frank Williams. Lo presenta diferente documental. Tambe lo tin musica, canto, baile, declamacion y poema filma acompaña cu imagen di Rooi Manoonchi.

Lo presenta un documental produci pa George Jacobs y Mirto Lacle “Na caminda pa un centenario y celebracion centenario di Jose “Jo” Dania”. Taly Wever ta un musico, artista, cantante: un embahado trobador cu a aporta cu su talento tanto na Aruba como den exterior, den Caribe, Sur America te na Italia. Ronny Kock “El ruiseñor de Savaneta”: musico, artista, cantante, compositor, fundador di steelband :Jumping Jewels” y coach di diferente grupo di steelband na Aruba. Roony a cultiva diferente genero di musica, pianista virtuoso, cu a sali for di e cuna di famia Camacho di Savaneta. Johnny Scharbaay, icono musical Arubano cu a dedica un bida na studia y investiga musica y a actua como musico pianista tanto local como internacionalmente pa huespednan distingui y di Cas Real, y cu bandanan di taya universal.

Frank Williams, maestro, docente di idioma den enseñanza secundario, educador, actor di teatro y poeta. Williams a contribui cu enseñanza di Aruba, tanto dilanti di klas, como inspector di enseñanza, observador y dirigente. El a destaca como artista di teatro y a skirbi algun obra di teatro. El a compila poema, a traduci na Ingles y a skirbi historia di poestia, Isla di Mi, cu ayudo di Wim Rutgers.