Diasabra, pa mas of menos 1’or y 45 di marduga, patruya di Noord a wordo dirigi na Eagle Beach, caminda cu lo tabata tin un homber burachi y fastioso, ta molestiando algun persona cu tabata na Eagle Beach. Na e luga menciona, nan a bin topa cu un homber di habla Hispana y cu tabata mustra di tabata bao di influencia di alcohol. Polis a bin atende cu e homber aki, kende na su turno a declara cu e no tabata molestiando ningun persona, cu el a djis pasa y move. Sinembargo, polis no a confia e storia di e homber, kende pa colmo no por a identifica su mes. A bay over pa detene e persona aki y hib’e warda, pa despues pase denman di Warda nos Costa, pa asina nan atende cun’e.
