Na Eerste Hulp a yega un homber y un dama riba scooter tur na sanger. Mesora nan a wordo atendi pa e personal di hospital. E homber a yega hospital cu un hinca basta bon bou di su brasa banda robez. Mas trempan a surgi un problema entre su pareha y un of otro motibo su pareha esta e dama a hinca e homber cu cuchio na altura di Arashi. Despues di eynan, e pareha mes a subi nan scooter y bin direccion hospital. E scooter a keda tur na sanger. Polis tambe a presenta na hospital pa asina tuma declaracion di e susedido. A papia cu tur dos y splicanan cu na e forma ey no ta manera di regla cuenta. No a constata detencion na e sitio pa e hincamento.
