Nos mascotanan ta manera nos yiunan, nos famianan. Ta ta yena e bashi di un hende cu ta
solitario y hasta por yega asina leu, por lamenta morto di nan, manera e caso aki. Cu un
doño di un cacho, a bay na rouw y kier a creme, pero destino (y peso di e cacho) a dicidi otro prijs.
Diaranson, pa mas of menos 10’or y 15 di mainta, Central ta manda patruya na Aurora Funeral Home pa un pleitamento. Akinan un homber no kier a paga pa laga crema su cacho. A papia cu un trahado, kende despues a bin resulta di ta M. El a declara cu a surgi un discusion cu un cliente, kende no tabata di acuerdo cu e prijs cu el a wordo duna. M. a pone polis na altura cu cachonan bao di 30 kilo. Polis a papia cu e cliente, e homber J., kende den su tristesa a declara cu tempo cu su mascota tabata na bida y saludabel, tabata pisa 29,5 kilo. Pero e cacho a bira malo, e ora, segun su logica, e peso tabata mas abao cu 29.5 kilo. Mirando esaki. J. no kier a paga e tarifa di riba 30 kilo. E doño a bay di acuerdo pa dune e tarifa di bao di 30 kilo, pa evita mas problema. Paz a wordo restaura temporalmente. Central a wordo poni na altura.
