Diadomingo, pa mas of menos 7’or di anochi, habitantenan na un adres na Kudawecha ta pidi asistencia di polis, pa un problema cu un huurdo.
Aparentemente discusion relaciona cu plachi di number entre e doño di apartamento y e huurdo a bay fo’i man, caminda cu e ultimo a perde cabes den su rabia y a cuminsa kibra obhetonan di glas den e cas.
Manera cu polis a yega, nan a intermedia pa calma e individuo. E doño di apartamento a laga sa cu e lo cana su caminda pa anula e contrato di huur, pa asina evita mas problema.
