Diamars, pa mas of menos 12’or y di mey anochi, polis a duna ordo pa un cabayero riba brommer para. Pero esaki a haci menos caso y a huy pa polis. Den e proceso, e conductor iresponsabel aki a baha 2 biaha riba acera, pero e ultimo biaha si e no tabata tin suerte. El a dal abao. Polis a baha for di auto pa acerk’e, pero esaki a logra subi su brommer bek y a sali bay. Polis a sigui su tras y a logra bloki’e di manera cu e mester a baha for di e brommer. Polis a detene e wiseguy aki di biaha. Transportwagen a wordo pidi pa busk’e pa asina hib’e warda di polis.
