Homber ta core pa su bida despues di atraco

Den oranan di marduga, Central ta manda patruya na un adres na Sero Patrishi, pa un persona sospechoso, kende a drenta y ataca e habitante den su cas. Eynan polis a papia cu e homber L., kende a declara cu un homber desconoci, a habri bentana di su camber y a drenta. E homber, kende despues a indica cu e ta T., a declara cu el a wordo atraca pa 3 persona desconoci. El a sigui splica cu el a cana bay for di Cas Casuela, direccion pa e cas di su ruman muhe cu ta biba den Sero Patrishi. Na caminda, el a topa cu e tres hombernan desconoci, di cual un di nan tabata tin un cuchiu cun’e. E hombernan a menase cu e arma blanco y a kita su celular y su cartera. Un di e hombernan a bis’e cu awo si nan lo bay pasa pret cun’e. T a logra huy y a core bay direccion p’ariba den mondi. Mientras cu e tabata coriendo, el a scucha algun tiro. T. a sigui core y a yega na un cas situa den Sero Patrishi. T a wordo hiba na warda di Recherche, unda cu el a wordo ricibi, pa despues pone personal di atraco team y tambe slachtofferhulp na altura y a presenta na warda pa asina papia cu T. Personal di ambulance tambe a bin warda pa duna T tratamento medico, mirando cu e tabata tin yen di sumpiña di Hubada pega na su curpa. E caso aki ta bao di un investigacion.