Homber intoxica a dal borchi y auto cerca di rotonde “Paperclip”

Pa mas o menos 2.40AM un Nissan March RHD numera A-7174 tabata biniendo for di direccion di rotonde di Tanki Leendert ariba Watty Vos Boulevard pa rotonde Paperclip a accidenta. Esaki a pasa na altura di e rotonde “Paperclip” ora cu un homber bou influencia a perde control y bay dal den un borchi di indicacion di trafico.

Homber intoxica a dal borchi y auto cerca di rotonde "Paperclip"

Homber intoxica a dal borchi y auto cerca di rotonde "Paperclip". Click link pa mas https://24ora.tv/2XN3dab

Posted by 24ora on Friday, May 29, 2020

El a benta e borchi abou y despues bay dal den un Ford Explorer, color oro cu ta na benta, para ariba trottoir. Si no tabata p’e auto, e consecuencianan p’e habitantenan di e cas lo tabata hopi mucho mas serio. Polis a presenta na e sitio pa atende cu e caso. E chauffeur a viola ley di trafico door di stuur auto bou influencia di alcohol.

Di biaha a deten’e y transporte pa Warda di Polis caminda e proceso penal lo tuma luga. E Nissan March mes no a ricibi mucho daño.