Ilegal gara durante Sunset Parade

Diamars anochi, mientras cu e parada di Noord tabata tumando luga, personal di unidad K-9 tabata controlando rond pa tur cos cana netjes.

Nan a bin topa cu un Toyota Yaris color di oro, numera V-1782 riba e caminda di Bubali y a nota cu e manehador tabata actua straño. Nan a acerk’e y a nota cu e homber a bira nervioso. A pidie pa su papelnan, pero a bin resulta cu e no tabata tin ningun papel den su poder pa asina mustra cu e ta kedando legal riba e isla. A bay over pa detene di biaha y a pidi transportwagen pa hiba e homber pa Warda nos Costa, pa nan por sigui handle cun’e. Eynan nan lo verifica si e tin su papelnan na ordo of si e ta ilegal.