Diabierna atardi varios unidad di polis a bay pura den Sibeliusstraat pa un caso serio. Un homber a drenta un cas cu cuchiu den man y kier a mata hende. Den un minuut e prome unidad di polis a yega. A topa un señora di edad cu tabata na grito. El a splica cu un ilegal cu tabata den un apartamento a yega den su propiedad cuminsa busca problema y menasa e famia. Hasta e tabata tin cuchiu den man. Polis a bay bati na porta di apartamento y un señora a habri. E homber mes no kier a sali for di apartamento. Probablemente si documentonan no ta na ordo. Polis a atende cu esnan na e apartamento pa puntra kico ta pasando.
A splicanan cu e señora di un edad grandi a laga sa cu a saca cuchiu pe. Polis a tuma tur dato pero no a detene ningun hende na e apartamento. Polis a papia largo cu e señora di edad cu tabata mustra malo y cu e accion di e homber cu cuchiu a causa cu el a bira mas malo. Su yiu muhe a calme y dune awa pa bebe. El a bisa polis tambe cu el a perde prenda di balor y placa. Tur cos polis a nota. Finalmente Polis a splica e señora grandi ki paso pa tuma.
