Awe nochi un tiki prome cu 7:00pm a spacha unidadnan di Polis pa un problema di pareha na un cas na Macuarima. Ey a topa cu un mucha homber cu ta sufri di epilepsia y cu ta conoci pa ta un adicto tambe, cu a lanta cu su famia den cas. Polis a purba atende cu ne, pero el a bira asina histerico, cu Polis a haya nan mes obliga di pidi pa refuerso.
Mesora diferente unidad Policial a yega na e adres y a logra reestablece ordo. A detene e persona problematico y a hib’e pa Warda di Polis pa lag’e calma un rato den un cel. Parce cu no ta prome biaha cu tin problema cu e persona na e adres aki. Polis a tuma dato di e famia den cas, cu obviamente ta bibando terorisa pa e yiu problematico. A keda di busca ayudo pa nan, aunke cu na Aruba e opcionnan pa hendenan asina ta masha limita, pa no bisa mes cu probablemente nos no tin!
