Diaranson mainta trempan maestronan di Conrado Coronel a bati alarma. A drenta informacion cu tin un auto straño dilanti di e scol y chauffeur benta den e auto. E maestronan tabata tin miedo cu e muchanan ta yega scol y mira e situacion aki y keda spanta.
Polis a yega haya e homber drumi cu porta di auto habri. Polis a lanta e homber for di soño. E no tabata sa mes cu e ta drumi dilanti scol. Polis a pidie su nomber etc y no por a mustra Polis un medio di identificacion. E homber tabata riba un trip parce. Polis a pidi pa rijbewijs y esaki tampoco e chauffeur por a prueba.
Parce cu e no tin rijbewijs. E auto no tabata start pasobra un lus lo a keda cendi. E homber a bisa Polis cu e ta biba na San Nicolas. Despues cu Polis a atende cune a dune un multa pa core sin rijbewijs. Tambe a bise cu no por bay cu e auto. Un compania di roadservice a ser avisa pa bin atende cu e auto cu su bateria a baha. E homber a pidi Polis dune un lift pa un otro area pa e haya lift. Polis a kita e yabi di auto for di e homber.
