Homber deteni pa nenga di sigui ordo di polis

Diadomingo marduga pa 12:30 polisnan tabata haciendo control den diferente bar rond Aruba pa mira si nan tabata cumpli cu e regla di cierre stipula. Banda di Dreamhouse na San Nicolas, nan a bin topa cu un homber sinta pafo bebiendo.

E polisnan a papia cu e homber y a record’e riba e regla. Aki a duna e homber ordo pa bandona e sitio, pero e no kier a coopera. El a mustra polisnan cu e no lo bandona e sitio y cu e lo sigiu sinta bebe eynan. Polis a keda papia cu ne pero despues el a cuminsa lanta contra nan.

E polisnan mesora a bay over na detene e homber, kende a sigui nenga di cumpli cu ordo di polisnan. A hinca e homber den auto di polis pa transport’e pa warda di San Nicolas p’e por calma.